“हाँसी हाँसी मरु’’-

(चकेन्द्र राई ‘कैदी’)


टाढा बसी तिम्रो यादमा पलपल कति मरु ?
तिम्रो सामु मैले अझै आँशु कति झारु ??
तिम्रो यादले हरपल मलाई पोल्न थाल्यो सरु !
दिलले भन्छ तिम्रो काखमा हाँसी हाँसी मरु !!

मेरो माया सरु तिमिलाई पुकार कति गरु ?
यो मायाको सागर कति एक्लै एक्लै तरु ??
भगवानले देखेकै छन् पापै लाग्ला सरु !
दिलले भन्छ तिम्रो काखमा हाँसी हाँसी मरु!!

सरु तिमिलाई सम्झी सम्झी दंग कति परु ?
तिमी आउने बाटो हेर्दै मैले आँखा कति तरु ??
मेरो दिलमा धड्कन बनी वाँचिदिनु सरु !
दिलले भन्छ तिम्रो काखमा हाँसी हाँसी मरु !!